Logo
  • Home
  • Cwestiynau Cyffredin Lwfans Myfyrwyr Anabl

Os oes unrhyw beth nad ydych yn siŵr amdano o ran y Lwfans Myfyrwyr Anabl, neu am y broses ymgeisio, edrychwch ar y cwestiynau cyffredin isod. Os na allwch ddod o hyd i'r hyn rydych chi’n chwilio amdano, cysylltwch â ni gan ddefnyddio’r manylion cyswllt yma.

 

Meysydd y gallai fod gennych gwestiynau amdanynt ar gyfer y Lwfans Myfyrwyr Anabl

Icon_Cashstack

Gwneud cais am Lwfans Myfyrwyr Anabl (DSA) a'r Adroddiad Asesiad Anghenion (NAR)

Data_hand

Offer technoleg gynorthwyol (AT)

"person on laptop"

Hyfforddiant technoleg gynorthwyol (AT)

Ceisiadau Lwfans Myfyrwyr Anabl (DSA) a'r Adroddiad Asesiad Anghenion (NAR)

 

Cliciwch ar y + i weld yr ateb i'r ymholiad:
    Sut ydw i'n gwybod a ydw i'n gymwys?

    Rydych chi’n gymwys os ydych yn byw yn y DU, yn astudio ac yn gymwys i gael cymorth gan SFE/SFW a bod gennych ddiagnosis o gyflwr neu gyflyrau sy'n effeithio ar eich gallu i astudio, y gallwch ddarparu tystiolaeth gan weithiwr proffesiynol meddygol/cymwys ar eu cyfer.

    Enghreifftiau o ddiagnosis o gyflyrau yw:
    •    anhawster dysgu penodol (megis dyslecsia, ADHD neu ddyspracsia)
    •    cyflwr iechyd meddwl neu gorfforol
    •    salwch hirdymor
    •    nam synhwyraidd

    Am fwy o wybodaeth am gymhwysedd DSA, ewch i:
    https://www.gov.uk/disabled-students-allowance-dsa
    https://www.cyllidmyfyrwyrcymru.co.uk/

    Pam fod angen asesiad anghenion arnaf?

    Gofynnwyd i chi fynychu asesiad anghenion i weithio allan pa gefnogaeth sydd ei hangen arnoch i'ch helpu yn ystod eich astudiaethau. Yn eich asesiad anghenion, byddwch yn siarad â'ch asesydd anghenion am yr effaith y mae eich anabledd yn ei chael ar eich astudiaethau, eich profiad o unrhyw gefnogaeth rydych eisoes wedi'i chael a manylion eich cwrs. Efallai y bydd eich asesydd anghenion hefyd yn dangos offer neu feddalwedd i chi.

    Ar ôl eich asesiad anghenion, bydd eich asesydd yn ysgrifennu adroddiad ar gyfer Student Finance England (SFE) neu Cyllid Myfyrwyr Cymru (SFW) yn argymell pa gefnogaeth DSA y dylech ei chael. Byddwch yn cael y dewis i adolygu copi drafft o'r adroddiad cyn iddo gael ei anfon at SFE neu SFW, os dymunwch. Unwaith y bydd SFE neu SFW wedi adolygu'r adroddiad, cewch wybod pa gefnogaeth DSA benodol sydd wedi'i chymeradwyo a sut i gael mynediad ati.

    Lle mae'r asesiad anghenion yn cael ei gynnal?

    Gellir cwblhau eich asesiad anghenion wyneb yn wyneb neu ar-lein trwy alwad fideo. Byddwn yn gallu darparu ar gyfer pa bynnag opsiwn sydd orau gennych. Byddwch yn cael cynnig detholiad o slotiau amser i ddewis ohonynt.

    Manteision asesiadau wyneb yn wyneb

    Gall fod yn dda mynychu eich asesiad anghenion wyneb yn wyneb os:

    • byddech yn elwa o gael gweld yr offer a’r feddalwedd y gellid eu hargymell yn ffisegol
    • oes gennych signal rhwydwaith/band eang gwael
    • hoffech gael sesiwn mewn lle preifat, heb neb yn tarfu arnoch

    Manteision asesiadau galwad fideo ar-lein

    Gall fod yn dda mynd i'ch asesiad anghenion ar-lein os ydych:

    • yn poeni am deithio
    • yn teimlo'n fwy cyfforddus mewn lle rydych chi'n ei ddewis
    • yn ei chael hi’n anodd siarad am eich anabledd wyneb yn wyneb


    Os na allwch ddefnyddio galwadau fideo ar-lein, gallwch ddewis cael eich asesiad dros y ffôn yn lle hynny.

    Oes rhaid i mi dalu am unrhyw beth?

    Bydd y ffi ar gyfer yr asesiad anghenion yn cael ei didynnu o'ch hawl DSA. Mae hwn yn ffi gynhwysol ac yn cynnwys y gwaith y gallai fod ei angen drwy gydol eich cwrs.

    Beth yw ‘caniatâd i rannu'?

    Dyma'ch caniatâd i Student Finance England (SFE) neu Cyllid Myfyrwyr Cymru (SFW) rannu eich gwybodaeth gyda ni.

    Yn ystod y broses ymgeisio, bydd SFE neu SFW yn gofyn i chi am ganiatâd i rannu gwybodaeth gyda ni a fydd yn helpu i ddatblygu eich cais DSA. Bydd hyn yn ein galluogi i gysylltu â chi'n uniongyrchol i drefnu eich asesiad anghenion a'ch cefnogaeth. Os nad ydych yn rhoi caniatâd i rannu, ni fydd SFE na SFW yn gallu cysylltu â ni am eich cais DSA (e.e. os oes ganddynt gwestiynau ynghylch eich cefnogaeth). Yn hytrach, byddant yn cysylltu â chi ac yn gofyn i chi gysylltu'n uniongyrchol.

    Beth os nad ydw i'n cytuno â phenderfyniad cefnogaeth DSA y SLC?

    Os ydych chi'n anhapus â phenderfyniad y mae Student Finance England neu Cyllid Myfyrwyr Cymru wedi'i wneud, yna dylech wneud apêl cyn gynted â phosibl. SFE: https://www.gov.uk/guidance/appeals-procedure neu SFW: https://www.cyllidmyfyrwyrcymru.co.uk/cwynion-ac-apeliadau/

    Offer technoleg gynorthwyol (AT)

    Beth yw offer cymeradwy’r Lwfans Myfyrwyr Anabl (DSA)?

    Gall offer cymeradwy’r DSA gynnwys y canlynol:

    Meddalwedd
    Caledwedd

    • meddalwedd testun i leferydd
    • meddalwedd arddweud lleferydd
    • meddalwedd cymryd nodiadau
    • meddalwedd iechyd meddwl
    • meddalwedd cynllunio tasgau/strategaethau ymdopi
    • meddalwedd mapio meddwl
    • meddalwedd sgiliau astudio
    • tiwtoriaid teipio
    • meddalwedd gwirio sillafu
    • meddalwedd darllen sgrin a chymorth gweledol

    • recordwyr llais digidol
    • caledwedd cymorth clyw
    • caledwedd cymorth testun

    Hyfforddiant technoleg gynorthwyol (AT)

    Cliciwch ar y + i weld yr ateb i'r ymholiad:
      Ydy'r hyfforddiant ar gael yn Gymraeg?

      Gellir cynnal pob agwedd ar daith y cwsmer yn Gymraeg os oes angen. Bydd hyn yn cael ei sefydlu yn eich proses gofrestru, ac mae posib i chi newid eich dewisiadau ar unrhyw adeg.

      Faint o oriau o hyfforddiant AT y byddaf yn eu derbyn?

      Bydd nifer yr oriau o hyfforddiant sydd eu hangen yn cael eu pennu yn ystod eich asesiad anghenion.

      Pa mor hir yw'r sesiynau hyfforddi AT?

      Mae'r sesiwn gyntaf fel arfer yn drosolwg llawn manwl a bydd unrhyw sesiynau dilynol yn dibynnu ar eich gofynion a gofynion eich cwrs.

      Beth sy'n digwydd os oes angen mwy o hyfforddiant AT arnaf?

      Cysylltwch â ni i godi cais a bydd angen i unrhyw sesiynau ychwanegol gael eu hawdurdodi gan Student Finance England neu Cyllid Myfyrwyr Cymru.

      Beth sy'n digwydd os byddaf yn methu neu ganslo sesiwn?

      Os na allwch fynd i’ch sesiwn, rhowch wybod i ni o leiaf 24 awr ymlaen llaw. Byddwch yn derbyn negeseuon atgoffa cyn y sesiwn. Mae'n ofynnol i ni gasglu a chofnodi manylion yr holl apwyntiadau sy’n cael eu methu neu eu canslo at ddibenion adrodd. Bydd hyn yn cael ei rannu gyda Cyllid Myfyrwyr. Efallai y codir ffi ar eich Lwfans Myfyrwyr Anabl, am uchafswm o ddau apwyntiad sydd wedi’u methu neu eu canslo os rhoddir llai na 24 awr o rybudd.

      Sut byddaf yn gwybod faint o oriau yr ydw i wedi'u defnyddio?

      Byddwn yn rhoi gwybod i chi faint o oriau rydych wedi'u defnyddio a faint sy'n weddill.

      Cysylltu â ni

      Os oes angen cyngor neu gefnogaeth arnoch ar unrhyw gam o'r broses, cysylltwch â:

      Ar-lein

      Cofiwch, peidiwch â rhoi unrhyw wybodaeth bersonol, fel eich dyddiad geni neu’ch cyfeiriad cartref.

      Ffurflen ymholiad ar-lein
      Ffonio

      Gallwch ein ffonio ar 01823 273060 rhwng 9am a 5.30pm, o ddydd Llun i ddydd Gwener.

      Logio ymholiad ôl-asesiad

      Os ydych wedi cael eich asesu gan Contact Associates gallwch logio ymholiad ôl-asesiad.

      Logio ymholiad
      E-bost

      Gallwch anfon e-bost at ein tîm yn uniongyrchol.

      E-bostiwch ni

      Am fwy o wybodaeth am wneud cais am DSA, ewch i Student Finance England  neu Cyllid Myfyrwyr Cymru

       

      Cysylltiadau defnyddiol eraill

      Sut i wneud sylw neu gŵyn am ein gwasanaeth
      Dywedwch wrthym os ydych yn anhapus gydag unrhyw ran o'n gwasanaeth fel y gallwn geisio ei gywiro. Mae hyn yn ein helpu i ddeall beth rydym yn ei wneud yn dda a lle mae angen i ni wneud pethau'n well.

      Cysylltu
      Sut i gysylltu â Cyllid myfyrwyr neu Student Finance:

      Student Finance England (SFE)
      Ebost: dsa_team@slc.co.uk 
      Ffôn: 0300 100 0607 
      NGT text relay (os na allwch glywed / siarad ar y ffôn): 18001 yna 0300 100 0607
      Gwefan: https://www.gov.uk/contact-student-finance-england

      Cyllid Myfyrwyr Cymru (SFW)
      E-bost: SFW_DSA_Team@slc.co.uk
      Ffôn: 0300 200 4050
      Gwefan: https://www.cyllidmyfyrwyrcymru.co.uk/cysylltwch/

      Darparwyr Addysg Uwch
      Os ydych chi'n dod o ddarparwr addysg uwch a bod gennych ymholiad ar gyfer tîm DSA Capita, anfonwch e-bost at ein mewnflwch pwrpasol: DSAHEPManager@capita.com

      © 2024 Copyright Capita plc. All Rights Reserved.

      Privacy Policy  |  Legal

      Scroll Top