• Home
  • Lwfans Myfyrwyr Anabl Capita

Mae Capita plc yn gweithio gyda'r Cwmni Benthyciadau Myfyrwyr (SLC) i gynnal asesiadau anghenion astudio Lwfans Myfyrwyr Anabl (DSA) ac i ddarparu offer a hyfforddiant technoleg gynorthwyol, gan eich cefnogi i ffynnu mewn addysg uwch.

Mae Lwfans Myfyrwyr Anabl yn gymorth ariannol heb brawf modd i fyfyrwyr mewn addysg uwch. Mae'n cwmpasu'r costau sy'n gysylltiedig ag astudio a allai fod gennych oherwydd cyflwr iechyd meddwl, salwch hirdymor neu anabledd arall. Gallai'r gefnogaeth gynnwys technoleg, offer a hyfforddiant arbenigol. Gellir ei ddefnyddio hefyd i dalu am gymorth anfeddygol, fel mentora arbenigol neu gymorth sgiliau astudio arbenigol, a theithio.

Byddwn yn mynd â chi drwy'r broses, o gynnal eich asesiad anghenion astudio ac argymell cymorth, i gyflwyno'ch offer a darparu hyfforddiant. Bydd ein haseswyr sydd wedi'u hyfforddi'n yn cynnal asesiad proffesiynol, gan ei gwneud yn glir beth allwch chi ei ddisgwyl gennym ni a beth sydd angen i chi ei wneud. Byddwn yn gwneud ein gorau i wneud ein gwasanaeth yn hawdd ei ddefnyddio a byddwn yn gwrando arnoch ac yn sicrhau eich bod yn teimlo'n gyfforddus.

Rydym yn darparu cymorth i fyfyrwyr Cyllid Myfyrwyr Lloegr (SFE) a Chyllid Myfyrwyr Cymru (SFW) yn: Cymru, Canolbarth Lloegr, Llundain, Dwyrain Lloegr a Gogledd Iwerddon. Os ydych yn byw y tu allan i'r rhanbarthau hyn, cysylltwch â'r darparwr cyllid myfyrwyr perthnasol.

Eich taith DSA

Mae ein proses wedi'i chynllunio i fod yn syml, yn gyfleus ac yn effeithlon. Gallwch wneud cais yn hawdd o’ch cartref. 

Nid oes angen i chi gael lle addysg uwch wedi'i gadarnhau cyn i chi wneud cais am DSA ac rydym yn argymell eich bod yn gwneud cais cyn gynted â phosibl, fel bod gennych gefnogaeth ar waith cyn i'ch cwrs ddechrau. Fodd bynnag, gallwch wneud cais ar unrhyw adeg yn ystod eich astudiaethau.

Book Icon

Gwneud cais am Lwfans Myfyrwyr Anabl (DSA)

Calendar icon

Archebwch a mynychwch eich asesiad anghenion

Handshake icon

Cael mynediad i'ch cefnogaeth a'ch hyfforddiant

 

Mae tri cham allweddol i'r broses DSA - cliciwch + i ddarganfod mwy
    1. Gwneud cais am Lwfans Myfyrwyr Anabl (DSA)

    I gwblhau neu lawrlwytho ffurflen gais ewch i Student Finance England neu Cyllid Myfyrwyr Cymru.

    Unwaith y bydd eich cymhwysedd ar gyfer DSA wedi'i gadarnhau, bydd cyllid myfyrwyr yn anfon llythyr DSA1 atoch. Os ydych wedi rhoi caniatâd i rannu, byddwn yn cysylltu â chi'n uniongyrchol i drefnu asesiad anghenion astudio. Os nad ydych wedi rhoi caniatâd i rannu neu eisiau ein ffonio i drefnu eich asesiad anghenion yn uniongyrchol, bydd ein manylion cyswllt yn eich DSA1 (gweler Cam 2).

    2. Archebu a mynychu eich asesiad anghenion

    Bydd eich DSA1 yn dweud wrthych sut i archebu eich asesiad anghenion

    Mae asesiad anghenion astudio yn gyfarfod anffurfiol gydag un o'n haseswyr anghenion medrus, sydd â phrofiad o argymell cefnogaeth ac offer i'n cwsmeriaid.

    Nid prawf o unrhyw fath yw'r asesiad, ond cyfle i drafod yr opsiynau cymorth mwyaf priodol i chi. Cyn yr asesiad, bydd eich asesydd yn adolygu'r dystiolaeth anabledd a ddarparwyd gennych ar adeg y cais i ddeall eich anghenion.

    Beth i'w ddisgwyl yn ystod yr asesiad

    Gofynnwyd i chi fynychu asesiad anghenion i weithio allan pa gymorth sydd ei angen arnoch i'ch helpu yn ystod eich astudiaethau. Yn eich asesiad anghenion, byddwch yn siarad â'ch asesydd anghenion am yr effaith y mae eich anabledd yn ei chael ar eich astudiaethau, eich profiad o unrhyw gefnogaeth rydych eisoes wedi'i dderbyn a manylion eich cwrs. Efallai y bydd eich asesydd anghenion hefyd yn dangos offer neu feddalwedd i chi.

    Ar ôl eich asesiad anghenion, bydd eich asesydd yn ysgrifennu adroddiad ar gyfer Cyllid Myfyrwyr Lloegr (SFE) neu Cyllid Myfyrwyr Cymru (SFW) yn argymell pa gymorth DSA y dylech ei dderbyn. Byddwch yn cael y dewis i adolygu copi drafft o'r adroddiad cyn iddo gael ei anfon at SFE neu SFW, os dymunwch. Unwaith y bydd SFE neu SFW wedi adolygu'r adroddiad, cewch eich hysbysu o'r cymorth DSA penodol sydd wedi'i gymeradwyo a sut i'w gyrchu.

    Gellir cwblhau eich asesiad anghenion yn bersonol neu ar-lein trwy alwad fideo. Byddwn yn gallu darparu ar gyfer pa bynnag opsiwn sydd orau gennych. Byddwch yn cael cynnig detholiad o slotiau amser i ddewis ohonynt.

    Manteision asesiadau wyneb yn wyneb

    Gall fod yn dda mynychu eich asesiad anghenion wyneb yn wyneb os ydych:

    • yn elwa o arddangosiad corfforol o offer a meddalwedd y gellir eu hargymell
    • yn derbyn darpariaeth gwael o rwydwaith/band eang (broadband)
    • eisiau derbyn sesiwn mewn lle preifat, yn rhydd o wrthdyniadau

    Manteision asesiadau galwadau fideo ar-lein

    Gall fod yn dda mynychu eich asesiad anghenion ar-lein os ydych:

    • yn bryderus am deithio
    • yn teimlo'n fwy cyfforddus mewn lle rydych chi'n ei ddewis
    • cael trafferth siarad am eich anabledd yn bersonol

    Os na allwch ddefnyddio galwadau fideo ar-lein, gallwch ddewis cael eich asesiad dros y ffôn yn lle hynny.
     

    Students discussion

    Trafod sut rydych chi'n astudio ac yn cefnogi hyn

    Yn ystod yr asesiad, byddwch chi a'ch asesydd yn trafod y ffyrdd yr ydych yn astudio a'r cymorth sydd ei angen arnoch o ganlyniad i'ch anabledd, cyflwr iechyd hirdymor, cyflwr iechyd meddwl neu anhawster dysgu penodol.

    Bydd hyn yn cynnwys agweddau megis cynnal ymchwil ar gyfer aseiniadau, ysgrifennu traethodau, cymryd nodiadau, adolygu ar gyfer arholiadau, neu ymgymryd â gwaith ymarferol.

    Girl looking at phone

    Ystyried mathau addas o gefnogaeth

    Yna bydd eich aseswr yn ystyried ac yn trafod y mathau addas o gymorth. Gall hyn gynnwys edrych ar feddalwedd ac offer cynorthwyol a thrafod cymorth un-i-un, os yw'n briodol, yn seiliedig ar eich anghenion unigol.

    Gofynnir i chi a ydych chi’n credu y bydd y gefnogaeth o fudd i chi, a byddwch yn cael cyfle i ofyn cwestiynau, felly mae’n werth ystyried unrhyw feysydd rydych yn pryderu amdanynt neu eisiau derbyn mwy o wybodaeth arnynt cyn eich asesiad.

    college students

    Cytundeb argymhellion yr adroddiad

    Ar ddiwedd yr asesiad, byddwch chi a'ch asesydd wedi cytuno ar yr hyn a argymhellir a bydd eich asesydd wedyn yn ysgrifennu eich Adroddiad Asesu Anghenion (NAR). Mae hyn yn amlinellu'r argymhellion a sut y byddant yn eich cefnogi gyda'ch astudiaethau.

    Anfonir copi o’r NAR atoch, at gyllid myfyrwyr, ac at eich darparwr addysg uwch os ydych wedi gofyn i ni wneud hynny. Mae hyn yn sicrhau bod pawb sy'n eich cefnogi yn cael copi o'r adroddiad.

    Yn gyffredinol, gofynnwn i chi ganiatáu hyd at ddwy awr ar gyfer yr asesiad, oherwydd gall yr amser apwyntiad amrywio yn dibynnu ar eich anghenion. Os hoffech ddod â ffrind neu aelod o'r teulu, mae croeso i chi wneud hynny. Byddwn yn gofyn i chi gyfyngu hyn i un person yn unig.

    3. Derbyn mynediad i'ch cefnogaeth a'ch hyfforddiant

    Byddwch yn derbyn llythyr hawl DSA2 sy'n eich galluogi i gael gafael ar y cymorth arbenigol a argymhellir.

    Ar ôl prosesu eich Adroddiad Asesu Anghenion (NAR), bydd eich corff cyllido yn anfon llythyr hawl DSA2 atoch sy'n dweud wrthych pa argymhellion y maent yn cytuno i'w hariannu, a beth i'w wneud nesaf o ran archebu offer a threfnu unrhyw gymorth un i un.

    Fe'ch cynghorir i gysylltu â'ch darparwr Cymorth Anfeddygol yn uniongyrchol.

    Offer technoleg gynorthwyol (AT)

    Mae AT yn cynnwys cynhyrchion, offer a systemau sy'n gwella dysgu i unigolion ag anableddau. Mae cost yr eitemau hyn wedi'i gynnwys yn eich DSA2, a gallwch osod eich archeb offer AT trwy ein tîm gwasanaethau cwsmeriaid.

    Hyfforddiant technoleg gynorthwyol (AT)

    Os ydych chi'n derbyn offer AT fel rhan o'ch DSA, argymhellir yn gryf y rhaglen hyfforddiant AT sy’n dangos i chi sut i ddechrau gyda meddalwedd neu galedwedd arbenigol.

    Unwaith y bydd eich offer AT yn cael ei ddanfon (boed yn galedwedd neu'n feddalwedd neu'r ddau) byddwn yn cysylltu â chi o fewn un diwrnod gwaith i drefnu dyddiad addas ar gyfer eich sesiwn hyfforddi AT gyntaf.

    Gellir darparu hyfforddiant AT ar ffurf sy'n gweddu orau i'ch anghenion, h.y. ar-lein neu wyneb yn wyneb. Bydd eich hyfforddwr yn creu cynllun hyfforddi a fydd yn nodi sut mae'r set/setiau nodwedd o bob eitem o offer a argymhellir yn diwallu eich anghenion orau, fel bod y cynhyrchion hyn yn cyd-fynd gyda’r heriau sy’n eich wynebu tra hefyd yn ystyried eich anghenion astudio. 

       

    Cwestiynau Cyffredin Lwfans Myfyrwyr Anabl

    Oes gennych chi gwestiwn? Rhowch gynnig ar ein tudalen Cwestiynau Cyffredin yn gyntaf.

    Cwestiynau Cyffredin

    Cysylltu â ni

    Os oes angen cyngor neu gefnogaeth arnoch ar unrhyw gam o'r broses, cysylltwch:

    Ar-lein

    Cofiwch, peidiwch â darparu unrhyw wybodaeth bersonol, fel eich dyddiad geni neu gyfeiriad cartref.

    Ffurflen ymholiad ar-lein
    Ffôn

    Gallwch ein ffonio ar 08000 902551 rhwng 9am a 5:30pm, o ddydd Llun i ddydd Gwener.

    E-bost

    Gallwch anfon e-bost at ein tîm yn uniongyrchol.

    E-bostiwch ni

    SYLWER: Os cawsoch eich asesu cyn 26 Chwefror 2024, a’ch bod wedi derbyn eich cefnogaeth DSA a bod gennych ymholiad, rydym yma i'ch cefnogi. Cysylltwch â ni drwy e-bost admin@contact-associates.co.uk.

    Am fwy o wybodaeth ynglŷn â gwneud cais am DSA, ewch i Student Finance England neu Cyllid Myfyrwyr Cymru

    Cysylltiadau defnyddiol eraill

    Porth myfyrwyr Capita DSA
    Mae hwn yn borth ar-lein lle gall yr holl fyfyrwyr sy'n derbyn gwasanaethau DSA gan Capita olrhain a rheoli eu hapwyntiadau, archebion, a hyfforddiant DSA ayyb.

    Mynediad i'r porth

    Cofnodi ymholiad ôl-asesiad
    Os ydych wedi cael eich asesu a bod gennych gwestiynau, gallwch gofnodi ymholiad ôl-asesiad.

    Logio ymholiad
    Sut i gysylltu â Chyllid Myfyrwyr:

    Cyllid Myfyrwyr Lloegr (SFE)
    E-bost: dsa_team@slc.co.uk
    Ffôn: 0300 100 0607 
    NGT Text relay (os na allwch glywed / siarad ar y ffôn): 18001 ac yna 0300 100 0607
    Gwefan: https://www.gov.uk/contact-student-finance-england

    Cyllid Myfyrwyr Cymru (SFW)
    E-bost: SFW_DSA_Team@slc.co.uk
    Ffôn: 0300 200 4050
    Gwefan: https://www.cyllidmyfyrwyrcymru.co.uk/cysylltwch/

    Gwneud cwyn

    Nod Capita DSA yw darparu'r gwasanaeth o'r safon uchaf bob amser. Fodd bynnag, os ydych yn dymuno gwneud cwyn, gallwch wneud hynny dros y ffôn, ar-lein, drwy e-bost, neu drwy'r post.

    Bydd cwynion yn cael eu cydnabod drwy e-bost o fewn dau ddiwrnod gwaith o'r dyddiad a dderbyniwyd. 
    Yna cynhelir ymchwiliad trylwyr a llawn mewn modd proffesiynol, teg ac di-wrthdaro. Bydd Capita DSA yn ceisio datrys cwynion, gan gyhoeddi ymateb llawn a therfynol i'r achwynydd, o fewn 10 diwrnod gwaith o’i dderbyn. Os oes angen amser ychwanegol, byddwn yn hysbysu'r achwynydd drwy e-bost, gan roi'r rheswm dros yr oedi cyn cyhoeddi'r ymateb llawn.

    Mewn achosion lle mae'r achwynydd yn anhapus â phenderfyniad Capita DSA, gellir fynd a’r cwyn ymhellach i'r Cwmni Benthyciadau Myfyrwyr.

    Ar-lein

    Mewngofnodwch i'ch cyfrif ar borth myfyrwyr Capita DSA, os oes gennych un, a dilynwch y broses gwyno.

    Cofiwch, peidiwch â darparu unrhyw wybodaeth bersonol, fel eich dyddiad geni neu gyfeiriad cartref.

    Porth myfyrwyr
    Ffôn

    Gallwch ein ffonio ar 0800 090 2551 rhwng 9am a 5:30pm, o ddydd Llun i ddydd Gwener.

    E-bost

    Gallwch anfon e-bost at ein tîm yn uniongyrchol.

    E-bostiwch ni
    Post

    Ysgrifennwch atom yn Capita DSA, Disabled Student Allowance, PO Box 648, Darlington, DL1 9HU. Cofiwch gynnwys eich cyfeiriad e-bost.

    Mae rhagor o fanylion am y broses gwyno SLC ar gael yma: Proses Cwynion SLC

    Gwybodaeth i ddarparwyr addysg uwch (HEPs)

    Mae cyfathrebu a chysylltu ag HEPs yn hanfodol er mwyn sicrhau bod taith myfyrwyr drwy'r broses cais ac asesu anghenion DSA mor esmwyth â phosibl.

    Mae dau Reolwr Cyswllt HEP pwrpasol ar waith i sicrhau cyfathrebu di-dor ac amserol rhyngom ni a sefydliadau addysgol i helpu myfyrwyr i dderbyn y cyngor a'r gefnogaeth orau drwyddi draw.

    Darganfyddwch fw

    Hysbysiad Preifatrwydd:

    I gael gwybodaeth am sut mae Capita DSA yn casglu ac yn prosesu eich data, darllenwch ein hysbysiad preifatrwydd.

    Hysbysiad Preifatrwydd